Digital clock - DWR

Naat-e-Shareef.



Zaer-e-Koay Jinaah Aahista Chal – Naazish

March 9, 2010 at 1:47 PM • Filed under Naat Lyrics
Lyrics in Urdu
Zaer-e-Koay Jinaah Aahista Chal
Dekh Aaya Hai Kahaan Aahista Chal

Jaisay Jee Chahay Jahan Mein Ghoom Phir
Ye Madina Hai Yahan Aahista Chal

Baargah-e-Naaz Mein Aahista Bol
Hoga Sab Kuch Rayegaan Aahista Chal

Haazri Mein Hai Malak Sattar Hazaar
Qudsiyon Ke Darmiyan Aahista Chal

Dekhloon Jee Bhar Ke Sheher-e-Mustafa
Mere Meer-e-Kaarwan Aahista Chal

Jaliyon Ke Saamnay Jaldi Na Kar
Woh Hai Naazish Meherbaan Aahista Chal

Permalink Comments
Aapki Naalein Ka – Taaj

March 9, 2010 at 1:45 PM • Filed under Naat Lyrics
Lyrics in Urdu: Part 1, Part 2
Ya Nabi Dekha Ye Rutba Aapki Naalein Ka
Arsh Ne Chooma Hai Talwa Aapki Naalein Ka

Aapki Khidmat Ka Mujhko Kaash Mil Jaata Sharaf
Baandhta Haathon Se Tasma Aapki Naalein Ka

Aapke Qadmon Ki Narmi Qalb Par Mehsoos Ki
Jab Bhi Mein Ne Naqsh Dekha Aapki Naalein Ka

Hashr Mein Jab Log Choomay Aapka Dust-e-Karam
Sab Say Chup Kar Loon Mein Boosa Aapki Naalein Ka

Roz-e-Mehshar Sar Pe Soraj Jab Sawaa Neezay Pe Ho
Aik Nezay Per Ho Saaya Aapki Naalein Ka

Jiss Se Aagay Jaayein Tou Jal Jaye Par Jibril Ke
Uss Se Aagay Jaana Dekha Aapki Naalein Ka

Taaj Kyun Na Bheek Maangay Aapki Naalein Ki
Taajwar Khaatay Hain Sadqa Aapki Naalein Ka

Permalink Comments
Taiba Ki Arzoo – Haafiz

March 9, 2010 at 1:43 PM • Filed under Naat Lyrics
Lyrics in Urdu
Ya Rub Madinay Pak Mein Jaana Naseeb Ho
Jaana Naseeb Ho Tou Na Aana Naseeb Ho

Rakhdoon Dar-e-Huzoor Pe Jab Mein Jabeen-e-Shouq
Choukhat Say Unke Sar Na Uthana Naseeb Ho

Dar Dar Ki Thoukarein Hain Jou Mere Naseeb Mein
Ishq-e-Nabi Mein Thoukarein Khaana Naseeb Ho

Taiba Say Aakay Bhi Rahay Taiba Ki Aarzoo
Tohfa Yehi Madinay Say Laana Naseeb Ho

Haafiz Kay Dil Ki Hai Yehi Khuwahish O Iltija
Qadmon Mein Mustafa Ke Thikana Naseeb Ho

Permalink Comments
Sarkar-e-Ghous-e-Azam – Fareedi Sahab

March 9, 2010 at 1:39 PM • Filed under Naat Lyrics
Lyrics in Urdu
Sarkaar-e-Ghous-e-Azam Nazr-e-Karam Khudara
Mera Khaali Kaasa Bhar Do Mein Faqeer Hoon Tumhara

Jholi Ko Meri Bhar Do Warna Kahe Gei Duniya
Aisay Sakhi Ka Mangta Phirta Hai Maara Maara

Sab Ka Koi Na Koi Duniya Mein Aasra Hai
Mera Bajuz Tumharay Koi Nahin Sahara

Ye Tera Karam Hai Ya Ghous Ke Bulaliya Hai Darpe
Kahan Mujhsa Ye Kameena Kahan Aastaan Tumhara

Ye Tera Karam Hai Murshid Jo Banaliya Hai Apna
Kahan Rusiya Fareedi Kahaan Silsila Tumhara

Permalink Comments
Sarkar Ke Qadmon Mein – Sabihuddin Sabih

March 9, 2010 at 1:37 PM • Filed under Naat Lyrics
Lyrics in Urdu
Allah Ne Pohnchaya Sarkar Ke Qadmon Mein
Sud Shukar Keh Mein Phir Aaya Sarkar Ke Qadmon Mein

Rud Kaisay Bhala Hogi Ab Koi Dua Meri
Mein Rub Ko Pukar Aaya Sarkar Ke Qadmon Mein

Kuch Kehne Se Pehle Hee Puri Hoi Har Khuwahish
Jo Socha Wohi Paaya Sarkar Ke Qadmon Mein

Kuch Lamhay Huzoori Ke Paaye Tou Ye Lagta Hai
Ik Umar Guzaar Aaya Sarkar Ke Qadmon Mein

Mujh Jaisa Tahee Damaan Kiya Nazar Ko Lejaata
Ik Naat Suna Aaya Sarkar Ke Qadmon Mein

Yaad Aayei Sabih Apni Har Aik Khata Mujh Ko
Amaal Pe Sharmaaya Sarkaar Ke Qadmon Mein

Permalink Comments
Sarkaar Bulayein Qadmon Mein – Nisar Ali Ujagar

March 9, 2010 at 1:31 PM • Filed under Naat Lyrics

Lyrics in Urdu: Part 1, Part 2

Hazir Ho Dar-e-Aqdas Pe Gada Sarkar Bulayein Qadmon Mein
Mohtaaj Pe Ho Rehmat Ki Rida Sarkar Bulayein Qadmon Mein

Woh Izn Salaami Ka Mujh Ko Ik Kaif-e-Dawami Ka Mujh Ko
Dharkan Dharkan Ki Hai Ye Dua Sarkar Bulayein Qadmon Mein

Woh Lamhe Ayein Qurbat Ke Simtein Hon Sadiyan Lamhon Mein
Takta Hoon Jaadah Rehmat Ka Sarkar Bulayein Qadmon Mein

Mey Pias Ke Sehra Mey Khoya Kantay Se Halaq Mey Chubte Hain
Hoon Sabz Sunehray Jaam Ata Sarkar Bulayein Qadmon Mein

Tareeki Mere Gunahon Ki Sab Urr Jaaye Jou Aajayein
Zulmat Ko Meri Noor Ata Sarkar Bulayein Qadmon Mein

Jaonga Ujagar Qadmon Mein Phir Choolonga Mein Arsh-e-Barein
Hojayeinge Mere Arz-o-Sama Sarkar Bulayein Qadmon Mein

Permalink Comments
Sahara Chahiyay Sarkar – Owais Qadri

March 9, 2010 at 1:22 PM • Filed under Naat Lyrics
Lyrics in Urdu: Part 1, Part 2, Part 3
Sahara Chahiyay Sarkar Zindagi Ke Liye
Tarap Raha Hoon Madinay Ki Haazri Ke Liye

Huzoor Aisa Koi Intizaam Ho Jaye
Salaam Ke Liye Haazir Ghulam Ho Jaye

Naseeb Walon Mein Mera Bhi Naam Ho Jaye
Jo Zindagi Ki Madinay Mein Shaam Ho Jaye

Mein Shaad Shaad Maronga Agar Dum-e-Aakhir
Zubaan Pe Jaari Muhammad Ka Naam Ho Jaye

Sahara Chahiyay Sarkar Zindagi Ke Liye
Tarap Raha Hoon Madinay Ki Haazri Ke Liye

Woh Bazm-e-Khaas Jo Darbaar-e-Aam Ho Jaye
Umeed Hai Keh Hamara Salaam Ho Jaye
Idher Bhi Ik Nigaah-e-Lutf-e-Aam Ho Jaye
Ke Aashiqon Mein Hamara Bhi Naam Ho Jaye

Tere Ghulam Ki Shaukat Jou Dekh Le Mehmood
Abhi Ayaaz Ki Surat Ghulam ho Jaye

Mein Qayal Aap Ke Rauzay Ka Hoon Woh Qayal Tur
Kaleem Se Na Kissi Din Kalaam Ho Jaye

Madinay Jaon Phir Aaon Dobara Phir Jaon
Tamaam Umar Issi Mein Tamaam Ho Jaye

Bulao Jald Madinay Mein Hai Ameer Ko Khauf
Kaheen Na Umar Do Roza Tamaam Ho Jaye

Tumhari Naat Parhon Mein Sunoo Likhoon Har Dum
Ye Zindagi Meri Yunhi Tamaam Ho Jaye

Meri Namaz-e-Janazah Ki Yun Ibadat Ho
Ke Do Jahan Ke Aaqa Imam Ho Jaye

Sahara Chahiyay Sarkar Zindagi Ke Liye
Tarap Raha Hoon Madinay Ki Haazri Ke Liye

Piya Raza O Ziya Ne Piya jou Murshid Ne
A'ta Mujhay Bhi Shah Aisa Jaam Ho Jaye

Sahara Chahiyay Sarkar Zindagi Ke Liye
Tarap Raha Hoon Madinay Ki Haazri Ke Liye

Permalink Comments
Sabse Aula O Ala Hamara Nabi – Ahmed Raza Khan

March 9, 2010 at 1:19 PM • Filed under Naat Lyrics

Lyrics in Urdu

Sabse Aula O A’la Hamara Nabi
Sabse Bala O Wala Hamara Nabi

Apne Maula Ka Pyara Hamara Nabi
Dono aalam ka Dulha Hamara Nabi

Bazm-e-Aakhir Ka Shammay Farouzan Hua
Noor-e-Awwal Ka Jalwa Hamara Nabi

Bujh Gayein Jiskay Aagay Sabhi Mash’lein
Shamma Woh Lekar Aaya Hamara Nabi

Jiskay Talwon Ka Dhowan Hai Aab-e-Hayat
Hai Woh Jaan-e-Maseeha Hamara Nabi

Khalq Se Auliya Auliya Se Rusul
Aur Rasulon Se Ala Hamara Nabi

Jaisay Sabka Khuda Aik Hai Waisay Hee
Inka Unka Tumhara Hamara Nabi

Kon Deta Hai Dene Ko Moo Chahiye
Dene Wala Hai Sacha Hamara Nabi

Saaray Onchon Mein Oncha Samajhiye Jissay
Hai Uss Onchay Se Oncha Hamara Nabi

Sab Chamak Walay Ujlon Mein Chamka Kiye
Andhay Sheeshon Mein Chamka Hamara Nabi

Gham Zaddon Ko Raza Muzhda Dejiye Ke Hai
Beykason Ka Sahara Hamara Nabi

Permalink Comments
Rauzay Ki Deewar – Nisar Ali Ujagar

March 9, 2010 at 1:05 PM • Filed under Naat Lyrics
Lyrics in Urdu: Part 1, Part 2
Rauzay Ki Deewar Say Rishta Jorr Liya
Goya Ik Sansaar Say Rishta Jorr Liya

Saaray Rishtay Naatay Mein Ne Tor Diye
Buss Apni Sarkar Say Say Rishta Jorr Liya

Jaan Mein Rakh Lee Unkay Paseenay Ki Khushboo
Phoolon Ki Mehkaar Say Rishta Jorr Liya

Jism O Jaan Ka Har Gosha Mehka Mehka
Taiba Kay Gulzar Say Rishta Jorr Liya

Izzat Daulat Shohrat Sar Ka Taj Bani
Jab Unki Dastaar Say Rishta Jorr Liya

Qadrein Seerat Ki Badalein Hain Pal Bhar Mein
Jab Unkay Kirdaar Say Rishta Jorr Liya

Soz-e-Ishq Ujaagar Teray Sha'yron Say
Kiya Tou Nay Attar Say Rishta Jorr Liya

Permalink Comments
Meri Dharkan Mein Ya Nabi – Adeeb Raye Puri

March 9, 2010 at 12:46 PM • Filed under Naat Lyrics
Lyrics in Urdu: Part 1, Part 2, Part 3
Meri Dharkan Mein Ya Nabi
Meri Saanson Mein Ya Nabi
Ya Nabi Ya Nabi Ya Nabi

Koi Guftugu Ho Lab Par Tera Naam Agaya Hai
Teri Midha Kartay Kartay ye Maqaam Agaya Hai

Meri Dharkan Mein Ya Nabi
Meri Saanson Mein Ya Nabi
Ya Nabi Ya Nabi Ya Nabi

Dar-e-Mustafa Ka Manzar Meri Chasm-e-Tar Ke Andar
Kabhi Subhu Agaya Hai Kabhi Shaam Agaya Hai

Meri Dharkan Mein Ya Nabi
Meri Saanson Mein Ya Nabi
Ya Nabi Ya Nabi Ya Nabi

Ye Talab Thei Ambiya Ki Rukh-e-Mustafa Ko Dekhein
Ye Namaz Ka Waseela Unhe Kaam Agaya Hai

Meri Dharkan Mein Ya Nabi
Meri Saanson Mein Ya Nabi
Ya Nabi Ya Nabi Ya Nabi

Do Jahan Ki Ne'matoon Se Tere Dar Se Jo Bhi Maanga
Mere Daaman-e-Talab Mein Woh Tamaam Agaya Hai

Meri Dharkan Mein Ya Nabi
Meri Saanson Mein Ya Nabi
Ya Nabi Ya Nabi Ya Nabi

Jisse Pee Ke Sheikh Saadi Balaghal Ula Pukarain
Mere Dust-e-Natawan Mein Wohi Jaam Agaya Hai

Meri Dharkan Mein Ya Nabi
Meri Saanson Mein Ya Nabi
Ya Nabi Ya Nabi Ya Nabi

Woh Adeeb Jisne Mehshar Mein Bipa Kiya Hai Mehshar
Woh Kaheingay Aao Dekho Ye Ghulam Agaya Hai

Meri Dharkan Mein Ya Nabi
Meri Saanson Mein Ya Nabi
Ya Nabi Ya Nabi Ya Nabi